නෙළුම් මලෙන් පාඩමක්

පියුම පද්මය කියලා කියන්නේ අපි හැමෝම ආස කරන ලස්සනම ලස්සන නෙලුම් මලටයි.ඉතින් මේ නෙළුම් මල ගැන අපි නො දන්න කථාවක් කියන්නයි මම සූදානම් වෙන්නේ.

පියුම පිපෙන්නේ කොහෙද? කොහොම ද? මොන විදියට ද  කියලා කියලා  නොදන්න කෙනෙක් නැති තරම්, ඒත් මම කියන්නම් පිපෙන්නේ අපිරිසිදු ජලයෙන් පිරුණු මඩ වගුරු සහිත ජලාශ වෙලයි. නෙළුම් මල ආසාවෙන් නෙළා ගෙන අපේ අවශ්‍යතා ඉටු කර ගන්නේ ඒ ගැන පොඩ්ඩක් වත් හිතලා නෙවෙයි. නෙලුම් මලේ තියෙන සුන්දරත්වය ගැන විතරක් හිතලා සුවඳට ලස්සනට වහ වැටෙනව.

ඉතින් මේ නෙළුම් මලෙන්  අපේ ජීවිතයට ගන්න ලොකු ආදර්ශයක් තියෙනව. සොබාදහමෙන් දායාද වුනු ඒ අපූරු ඉගැන්වීම ගැන මුල් වරට හෙළි කළේ අප මහා බුදු රජාණන් වහන්සේ ය. උන්වහන්සේගේ දේශනා පරිදි "පද්මාකාර ජීවිතය " යනු අපි නෙළුම් මල ආදර්ශයට ගෙන ජීවත් වීම ලෙස හඳුන්වයි. එනම් මඩෙහි ඉපදී,මඩෙහි හැදී වැඩී , අපිරිසිදු ජලයෙන් උඩට ඇවිත් එහි නොගෑවී පත්ව සිටිනා පිවිතුරු පියුමක් මෙන් අසාධාරණ කම් වලින් පිරුණු, කුහකකමෙන් ජරා සිතුවිලි වලින් පිරුණු  මේ සමාජය තුළම ඉපදී. එහිම හැදී වැඩී නමුත් නොගැටී තම ජීවිතය යහපත් ක්‍රියාකාරකම් පමණක් සිදුකිරීම පියුමක් වැනි ජීවිතයකට මග කියන බවයි.

මෙය සොබාදහමේ පවතින සරල සංසිද්ධියක් වුවත් යතාර්ථ අවබෝධයෙන් නොකිලිටි ජීවිත ගත කිරීම මගින් පියුමක් මෙන් පියමන් කිරීමට ඔබට හැකියාව ලබාදෙයි.